Mullaippāṭṭu (103 lines)

((Originally extracted from master file ^10PATTU.OCP))
((Last updated on 2004 April 15th))

• {mullai-1} naṉam talai ulakam vaḷaii nēmiyoṭu
• {mullai-2} valampuri poṟitta mā tāṅku taṭam kai
• {mullai-3} nīr cela nimirnta māal pōla
• {mullai-4} pāṭu imiḻ paṉi kaṭal paruki valaṉ ērpu
• {mullai-5} kōṭu koṇṭu eḻunta koṭum celavu eḻili
• {mullai-6} perum peyal poḻinta ciṟu puṉ mālai
• {mullai-7} arum kaṭi mūtūr maruṅkil pōki
• {mullai-8} yāḻ icai iṉam vaṇṭu ārppa nelloṭu
• {mullai-9} nāḻi koṇṭa naṟu vī mullai
• {mullai-10} arumpu aviḻ alari tūuy kaitoḻutu
• {mullai-11} peru mutu peṇṭir viricci niṟpa
• {mullai-12} ciṟu tāmpu toṭutta pacalai kaṉṟiṉ
• {mullai-13} uṟu tuyar alamaral nōkki āy makaḷ
• {mullai-14} naṭuṅku cuval acaitta kaiyaḷ kaiya
• {mullai-15} koṭum kōl kōvalar piṉ niṉṟu uyttara
• {mullai-16} iṉṉē varukuvar tāyar eṉpōḷ
• {mullai-17} naṉṉar nal moḻi kēṭṭaṉam ataṉāl
• {mullai-18} nalla nallōr vāyppuḷ tevvar
• {mullai-19} muṉai kavarntu koṇṭa tiṟaiyar viṉai muṭittu
• {mullai-20} varutal talaivar vāyvatu nī niṉ
• {mullai-21} paruvaral evvam kaḷai māyōy eṉa
• {mullai-22} kāṭṭa um kāṭṭa um kāṇāḷ kaluḻ ciṟantu
• {mullai-23} pū pōl uṇ kaṇ pulampu muttu uṟaippa
• {mullai-24} kāṉ yāṟu taḻīiya akal neṭum puṟavil
• {mullai-25} cēṇ nāṟu piṭavamoṭu paim putal erukki
• {mullai-26} vēṭṭu puḻai aruppam māṭṭi kāṭṭa
• {mullai-27} iṭu muḷ puricai ēmuṟa vaḷaii
• {mullai-28} paṭu nīr puṇariyiṉ paranta pāṭi
• {mullai-29} uvalai kūrai oḻukiya teruvil
• {mullai-30} kavalai muṟṟam kāval niṉṟa
• {mullai-31} tēm paṭu kavuḷa ciṟu kaṇ yāṉai
• {mullai-32} ōṅku nilai karumpoṭu katir miṭaintu yātta
• {mullai-33} vayal viḷai iṉ kuḷaku uṇṇātu nutal tuṭaittu
• {mullai-34} ayil nuṉai maruppiṉ tam kai iṭai koṇṭeṉa
• {mullai-35} kavai muḷ karuviyiṉ vaṭamoḻi payiṟṟi
• {mullai-36} kallā iḷaiñar kavaḷam kaippa
• {mullai-37} kal tōyttu uṭutta paṭiva pārppāṉ
• {mullai-38} mukkōl acainilai kaṭuppa nal pōr
• {mullai-39} ōṭā val vil tūṇi nāṟṟi
• {mullai-40} kūṭam kutti kayiṟu vāṅku irukkai
• {mullai-41} pūm talai kuntam kutti kiṭuku niraittu
• {mullai-42} vāṅku vil araṇam araṇam āka
• {mullai-43} vēṟu pal perum paṭai nāppaṇ vēṟu ōr
• {mullai-44} neṭum kāḻ kaṇṭam kōli akam nērpu
• {mullai-45} kuṟum toṭi muṉkai kūntal am ciṟupuṟattu
• {mullai-46} iravu pakal ceyyum tiṇ piṭi oḷ vāḷ
• {mullai-47} viravu vari kacciṉ pūṇṭa maṅkaiyar
• {mullai-48} ney umiḻ curaiyar neṭum tiri koḷīi
• {mullai-49} kai amai viḷakkam nantutoṟum māṭṭa
• {mullai-50} neṭu nā oḷ maṇi niḻattiya naṭunāḷ
• {mullai-51} atiral pūtta āṭu koṭi paṭāar
• {mullai-52} citar varal acai vaḷikku acaivantāṅku
• {mullai-53} tukil muṭittu pōrtta tūṅkal ōṅku naṭai
• {mullai-54} peru mūtāḷar ēmam cūḻa
• {mullai-55} poḻutu aḷantu aṟiyum poyyā mākkaḷ
• {mullai-56} toḻutu kāṇkaiyar tōṉṟa vāḻtti
• {mullai-57} eṟi nīr vaiyakam velīiya celvōy niṉ
• {mullai-58} kuṟu nīr kaṉṉal iṉaittu eṉṟu icaippa
• {mullai-59} mattikai vaḷaiiya maṟintu vīṅku ceṟivu uṭai
• {mullai-60} meyppai pukka veru varum tōṟṟattu
• {mullai-61} vali puṇar yākkai vaṉkaṇ yavaṉar
• {mullai-62} puli toṭar viṭṭa puṉai māṇ nal il
• {mullai-63} tiru maṇi viḷakkam kāṭṭi tiṇ ñāṇ
• {mullai-64} eḻiṉi vāṅkiya īr aṟai paḷḷi uḷ
• {mullai-65} uṭampiṉ uraikkum uraiyā nāviṉ
• {mullai-66} paṭam puku milēccar uḻaiyar āka
• {mullai-67} maṇṭu amar nacaiyoṭu kaṇpaṭai peṟāatu
• {mullai-68} eṭuttu eṟi eḵkam pāytaliṉ puṇ kūrntu
• {mullai-69} piṭi kaṇam maṟanta vēḻam vēḻattu
• {mullai-70} pāmpu pataippaṉṉa parūu kai tumiya
• {mullai-71} tēm pāy kaṇṇi nal valam tirutti
• {mullai-72} cōṟu vāyttu oḻintōr uḷḷi um tōl tumipu
• {mullai-73} vaim nuṉai pakaḻi mūḻkaliṉ cevi cāyttu
• {mullai-74} uṇṇātu uyaṅkum mā cintittu um
• {mullai-75} oru kai paḷḷi oṟṟi oru kai
• {mullai-76} muṭiyoṭu kaṭakam cērtti neṭitu niṉaintu
• {mullai-77} pakaivar cuṭṭiya paṭai koḷ nōṉ viral
• {mullai-78} nakai tāḻ kaṇṇi nal valam tirutti
• {mullai-79} aracu iruntu paṉikkum muracu muḻaṅku pācaṟai
• {mullai-80} iṉ tuyil vatiyunaṉ kāṇāḷ tuyar uḻantu
• {mullai-81} neñcu āṟṟuppaṭutta niṟai tapu pulampoṭu
• {mullai-82} nīṭu niṉaintu tēṟṟi um ōṭu vaḷai tirutti um
• {mullai-83} maiyal koṇṭu um oyyeṉa uyirttu um
• {mullai-84} ē uṟu maññaiyiṉ naṭuṅki iḻai nekiḻntu
• {mullai-85} pāvai viḷakkil parūu cuṭar aḻala
• {mullai-86} iṭam ciṟantu uyariya eḻu nilai māṭattu
• {mullai-87} muṭaṅku iṟai coritarum mā tiraḷ aruvi
• {mullai-88} iṉ pal imiḻ icai ōrppaṉaḷ kiṭantōḷ
• {mullai-89} am cevi niṟaiya āliṉa veṉṟu piṟar
• {mullai-90} vēṇṭu pulam kavarnta īṇṭu perum tāṉaiyoṭu
• {mullai-91} vicayam vel koṭi uyari valaṉ ērpu
• {mullai-92} vayir um vaḷai um ārppa ayira
• {mullai-93} ceṟi ilai kāyā añcaṉam malara
• {mullai-94} muṟi iṇar koṉṟai nal poṉ kāla
• {mullai-95} kōṭal kuvi mukai aṅkai aviḻa
• {mullai-96} tōṭu ār tōṉṟi kuruti pūppa
• {mullai-97} kāṉam nantiya ce nilam peru vaḻi
• {mullai-98} vāṉam vāytta vāṅku katir varakiṉ
• {mullai-99} tiri maruppu iralaiyoṭu maṭam māṉ ukaḷa
• {mullai-100} etir cel veḷ maḻai poḻiyum tiṅkaḷil
• {mullai-101} mutir kāy vaḷḷi am kāṭu piṟakku oḻiya
• {mullai-102} tuṉai pari turakkum celaviṉar
• {mullai-103} viṉai viḷaṅku neṭum tēr pūṇṭa mā ē